U subotu ranicaj, 22 vieraśnia, Papa Rymski Francišak prylataje ŭ Vilniu. Adrazu paśla prybyćcia jon sustreniecca z prezidentam Litvy Dalaj Hrybaŭskajcie, paźniej vystupić z pramovaj pierad kiraŭnikami krainy, členami ŭrada, dypłamatami i hramadskimi dziejačami na płoščy la Prezidenckaha pałaca. Zatym Pantyfik naviedaje «Vostruju bramu śviatuju» i sustreniecca z moładździu na Katedralnym placy.
Ranicaj 23 vieraśnia Papa adpravicca ŭ Kaŭnas (Koŭna), dzie adsłužyć śviatuju Imšu ŭ parku Santakos, tam ža voźmie ŭdzieł u malitvie «Anioł Panski».
U Kaŭnaskim katedralnym sabory sustreniecca z duchoŭnymi asobami. Zatym iznoŭ vierniecca ŭ Vilniu, dzie pamolicca kala pomnika achviaram Vilenskaha hieta i naviedaje Muziej akupacyj i zmaharoŭ za svabodu. Pa vilenskich vulicach i ŭ parku Kaŭnasa Francišak budzie pieramiaščacca na papamabili.
Zatym, 24 i 25 vieraśnia, Pantyfik naviedaje Łatviju i Estoniju.
Tysiačy biełaruskich katalikoŭ taksama vypraŭlajucca na sustrečy z Franciškam. Upieršyniu jon budzie tak blizka — litaralna za 40 km ad biełaruskaj miažy. Tamu aŭtobusnyja pilihrymki ŭ Litvu zapłanavany z mnohich haradoŭ krainy, a jašče tysiačy ludziej dabirajucca da Litvy asobna.
