U subotu Alaksandr Łukašenka pravioŭ naradu pa vynikach biełaruska-rasijskich pieramoŭ u Sočy. Na fotazdymkach karystalniki interneta zaŭvažyli Uładzimira Siamašku, jaki niadaŭna straciŭ pasadu vice-premjera. Pres-sakratar prezidenta Natalla Ejsmant raspaviała Tut.by, u jakim statusie Siamaška prysutničaŭ na naradzie ŭ kiraŭnika dziaržavy.
Uładzimir Siamaška — krajni źleva. Fota: president.gov.by.
Paśla 17 hadoŭ va ŭradzie Uładzimir Siamaška pakinuŭ svoj post. Apošnija hady jon kuryravaŭ paliŭna-enierhietyčny kompleks, u tym liku — klučavyja pieramovy pa nafcie i hazu, pryčym u Maskvie mienavita jaho ličyli samym mocnym pierahavorščykam. Ale aficyjna novaj pasady ŭ jaho pakul niama.
«Uładzimir Iljič Siamaška prysutničaŭ na subotniaj naradzie ŭ kiraŭnika dziaržavy ŭ statusie čałavieka, jaki doŭhi čas byŭ na vastryi pieramovaŭ u najvažniejšych śfierach supracoŭnictva z Rasijaj — naftahazavaj, pramysłovaj. I viadoma, niepasredna ŭdzielničaŭ u raspracoŭcy važniejšych dakumientaŭ, u adpaviednaści ź jakimi Biełaruś i Rasija i siońnia vybudoŭvajuć uzajemaadnosiny ŭ nazvanych śfierach. Naturalna, Uładzimir Iljič viedaje ŭsiu padnahotnuju sprečnych momantaŭ i ŭ chodzie narady prainfarmavaŭ novych členaŭ urada pra historyju hetych pytańniaŭ», — raspaviała pres-sakratar prezidenta Natalla Ejsmant.
