Ułady Biełarusi pavinny spynić pieraśled i zatrymańnie žurnalistaŭ, havorycca ŭ zajavie deputataŭ Jeŭraparłamienta.
Na fonie paharšeńnia svabody ŚMI ŭ Biełarusi deputaty Jeŭraparłamienta asudžajuć zatrymańni i dziaržaŭny pieraśled žurnalistaŭ i redaktaraŭ niezaležnych vydańniaŭ.
U tym liku — pa tak zvanaj «spravie BiełTA». Aŭtary rezalucyi kanstatujuć, što jość fakty «cisku na žurnalistaŭ i ich rodnych», jakich zmušali supracoŭničać ź siłavymi viedamstvami. Jeŭraparłamient razhladaje zatrymańni žurnalistaŭ u žniŭni jak nieadpaviednuju mieru i zaklikaje biełaruskija ŭłady źniać ź ich usie abvinavačańni.
Jany taksama nazvali nieprymalnym toje, što ŭłady zabłakavali sajt Chartyi-97, i kateharyčna nie ŭchvalili niadaŭnija papraŭki ŭ zakon ab ŚMI, «jakija stvarajuć biurakratyčnyja pieraškody dla žurnalistaŭ i robiać bolš žorstkimi kantrol nad internetam».
U parłamiencie vykazali škadavańnie ab tym, što Biełaruś «praciahvaje svaju represiŭnuju i niedemakratyčnuju palityku ŭ dačynieńni da žurnalistaŭ, jurystaŭ, palityčnych aktyvistaŭ i subjektaŭ hramadzianskaj supolnaści». «Hetyja represii tarmoziać lubyja bolš ciesnyja adnosiny ź ES i bolš šyrokaje ŭdzieł va Uschodnim partniorstvie», padkreślivajuć deputaty Jeŭraparłamienta.
Jany taksama zaklikali da nieadkładnaha i biezumoŭnaha vyzvaleńnia Michaiła Žamčužnaha i Dźmitryja Palijenku, jakich ES pryznaje palitviaźniami, i nastojliva zaklikali viarchoŭnaha pradstaŭnika ES pa pytańniach źniešniaj palityki i palityki biaśpieki Fiederyka Mahieryni ŭvažliva sačyć za situacyjaj sa svabodaj ŚMI ŭ Biełarusi, piša Tut.by
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary