Pad Viciebskam źjaviŭsia pomnik Leninu z katom. Takoha, vidać, bolš nidzie niama FOTA
U Viciebskim rajonie źjaviłasia skulptura Lenina. Jon pakazvaje rukoj šlach u śvietłuju budučyniu, a pobač ź im kot. Statuja, kažuć miascovyja, užo stała słavutaściu.
— Na dniach vyjšaŭ na prabiežku pobač z čyhunačnaj stancyjaj Łučosa, — raspaviadaje žychar Viciebska Siarhiej. — Za niekalki krokaŭ ad jaje les, la ŭvachodu ŭ jaho i staić pomnik.
Pobač ź Leninym, kaža surazmoŭca, znachodzicca dačny pasiołak. U jaho bok pravadyr i hladzić. Pomnik mocna ukapany ŭ ziamlu. Vandały, udakładniaje mužčyna, jaho nie čapajuć.
— Uletku ŭ hetym lesie šmat spartsmienaŭ-amataraŭ i adpačyvalnikaŭ, zimoj — łyžnikaŭ, — apisvaje miascovaść surazmoŭca. — Miarkuju, statuja Lenina, jaki pakazvaje šlach katu, šmat kamu ź ich padymie nastroj.
TUT.BY ŭdałosia znajści aŭtara niezvyčajnaha pomnika. Jaho zavuć Ihar Vysocki, i žyvie jon u tym samym dačnym pasiołku niedaloka ad stancyi. Akazałasia, ideju zrabić Uładzimira Illiča jamu padkazaŭ tavaryš.
— Moj siabar — staršynia sadovaha tavarystva, — raspaviadaje Ihar. — Jon ŭładkoŭvaje terytoryju, padsypaje darožki. I, mabyć, padumaŭ, što niedaloka ad našych damoŭ budzie darečy pomnik Leninu. Jon prapanavaŭ, ideja mnie spadabałasia, atrymałasia aryhinalna.
— A čamu pobač z pravadyrom kot?
— Bo Lenina z katom nidzie niama, — Ihar pieravodzić pytańnie ŭ žart. — Na momant, kali siabar pryjšoŭ da mianie ź idejaj, ja rabiŭ skulpturu dziaŭčyny. A ŭ dziaŭčyny samaje słaboje miesca ŭ statui — heta abcasy, tamu ja raźmiaściŭ u nahach kata. Tavaryš pahladzieŭ na hetaha kata i kaža: davaj takoha zrobim Uładzimiru Iljiču.
Nad pomnikam Ihar pracavaŭ kala miesiaca. Usio zrabiŭ ź bietonu i pafarbavaŭ pad bronzu. Koler, uvohule, byŭ nie pryncypovy, zatoje miesca, dzie tvor raźmiaścić, akazałasia vielmi važnym. Siabar majstra adrazu vyrašyŭ: «pasialić» pravadyra ŭ lesie la stancyi.
— Tavaryš chacieŭ, kab Lenin pakazvaŭ rukoj na jaho daču, — kaža surazmoŭca.
Pomnik adnamu spadabaŭsia. Padabajecca, adznačaje surazmoŭca, jon i minakam.
— Niadaŭna dapamahaŭ tavaryšu farbavać płot, — uspaminaje Ihar Vysocki. — Pakul paŭhadziny pracavaŭ, kala Lenina spyniłasia kala dziesiaci kampanij. Usie fatahrafavalisia i ŭśmichalisia.
Ciapier čytajuć
Adciskańni z tatam, uroki z mamaj. Jak žyvie i vučycca siamja Sieviaryncaŭ u Vilni6
Kamientary