Udzieł Patryjaršaha ekzarcha ŭsioj Biełarusi Fiłareta (Vachramiejeva) ŭ pracy Sinoda Ruskaj pravasłaŭnaj carkvy da apošniaha času nie afišavaŭsia. Apošnija hady Fiłaret viadzie zakryty ład žyćcia. Jon akurat i žyvie ŭ budynku jeparchii, dzie i prachodziŭ Sinod.

Admietna, što ŭładyka Fiłaret zaniaŭ miesca pa pravuju ruku ad patryjarcha Kiryła. Rasijski telehram-kanał «Carkvač» paviedamlaje, što zroblena heta było, kab dahadzić Łukašenku. Ciapierašniaha ž mitrapalita Biełarusi Paŭła pasadzili dalej uhłyb stała.
Čamu ŭvohule Fiłaret prymaŭ udzieł u Sinodzie? Na sajcie RPC dajecca nastupnaje tłumačeńnie: «U pasiadžeńni prymaje ŭdzieł hanarovy Patryjaršy ekzarch usioj Biełarusi mitrapalit Fiłaret (Vachramiejeŭ). Zhodna z rašeńniem Śviatoha Sinoda Ruskaj pravasłaŭnaj carkvy ad 25-26 śniežnia 2013 hoda, za zaličanym na supakoj pravialebnym mitrapalitam Fiłaretam, hanarovym Patryjaršym ekzarcham usioj Biełarusi, zachoŭvajecca prava ŭdziełu ŭ pracy Śviatoha Sinoda».
Mitrapalitu Fiłaretu 83 hady. Jon rodam z Rasii, ale źjaŭlajecca hramadzianinam Biełarusi. Byŭ deputatam Viarchoŭnaha Savieta Biełarusi. Biełaruskuju pravasłaŭnuju carkvu Fiłaret uznačalvaŭ ad 1990 da 2013 hadoŭ.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Kamientary