Žurnalist Džamal Chašohi miortvy, da jaho śmierci pryviała bojka ŭ konsulstvie Saudaŭskaj Aravii ŭ Stambule, paviedamlaje dziaržaŭnaje telebačańnie sa spasyłkaj na zajavu hienprakurora krainy Sauda al-Muadžyba. Źniknieńnie Chašohi pryviało da abvastreńnia adnosin pamiž Er-Ryjadam, ZŠA i Turcyjaj. Donald Tramp nazvaŭ hetyja tłumačeńni hodnymi davieru.
U suviazi z hetaj spravaj adpraŭlenyja ŭ adstaŭku namieśnik načalnika raźviedki Achmad al-Asiry i Saud al-Kachtani, staršy pamočnik naślednaha prynca Muchamieda ibn Sałman al-Sauda.
Hienprakuror paviedamiŭ, što 18 saudaŭskich paddanych byli zatrymanyja ŭ ramkach hetaha rasśledavańnia. Rasśledavańnie praciahvajecca.
SA ŭpieršyniu pryznała, što žurnalist, jaki źnik paśla vizitu ŭ konsulstva krainy ŭ Stambule, zahinuŭ.
Cieła žurnalista da hetaha času nie znojdziena.
Napiaredadni stała viadoma, što tureckaja palicyja, rasśleduje abstaviny źniknieńnia Chašohi, šukaje jaho ŭ lesie na poŭnač ad Stambuła i ŭ sielskaj miascovaści pa susiedstvu. U dzień źniknieńnia bačyli aŭtamabili, što vyjazdžali z konsulstva ŭ hetym kirunku.
Kamientary