U 2015 hodzie zachodnija śpiecsłužby papiaredzili Twitter, što siarod ich supracoŭnikaŭ jość Ali Alzabarach (Ali Alzabarakh), ź jakoha Saudaŭskaja Aravija choča zrabić svajho ahienta. Alzabarach pracavaŭ u Twitter z 2013 hoda i mieŭ dostup da piersanalnych danych karystalnikaŭ, paviedamlaje The New York Times.
Alzabarach staŭ kantaktavać z raźviedkaj Saudaŭskaj Aravii, jakaja sprabavała atrymać ad jaho danyja niekalkich akaŭntaŭ. Ale paśla taho, jak u Twitter daviedalisia pra suviazi Alzabaracha, jaho adchilili ad pracy, dapytali i ŭ vyniku zvolnili ŭ śniežni 2015 hoda. Praź niekatory čas były raspracoŭščyk viarnuŭsia ŭ Saudaŭskuju Araviju i atrymaŭ pasadu va ŭradzie.
U Saudaŭskaj Aravii dziejničaje «armija trolaŭ» pad kiraŭnictvam adnaho z hałoŭnych daradcaŭ prynca Machamieda, Sauda al-Kachtani. Paśla zabojstva Džamala Chašohi al-Kachtani byŭ zvolnieny.
Novych supracoŭnikaŭ «fabryki» vierbavali praz abjavy ŭ Tvitary, dzie prapanoŭvałasia publikavać tvity za zarpłatu pamieram 3 tysiačy dalaraŭ za miesiac.
