Dziejańni Kanstancinopalskaha patryjarchata pa aŭtakiefalii dla Ukrainy źviazany z zakazam na razbureńnie vostrava svabody, jakim źjaŭlajecca RPC. Takoje mierkavańnie vykazaŭ Patryjarch Maskoŭski i ŭsiaje Rusi Kirył, pieradaje TASS.
Pa słovach Kiryła, zakaz na razbureńnie adzinstva RPC maje hłabalnaje vymiareńnie.
«Heta nie prosta baraćba za jurysdykcyju, heta baraćba za razbureńnie adzinaj mahutnaj pravasłaŭnaj siły ŭ śviecie. Kali my havorym — 150 miljonaŭ, heta sapraŭdy tak», — padkreśliŭ patryjarch.
«Niesumnienna, kamuści treba było nanieści ŭdar pa hetym vostravie svabody. Čamu ja nazyvaju pravasłaŭje vostravam svabody? Tamu što my volnyja ad hłabalnaha abałvańvańnia i panavańnia čužych nad nami dumak», — rastłumačyŭ kiraŭnik RPC.
Takim čynam, trahiedyja Ukrainy maje mistyčnaje vymiareńnie, upeŭnieny patryjarch.
