Mahčyma, razmova idzie pra Emanuełu Arłandzi
U adnym z pamiaškańniaŭ budynka nuncyjatury (dypmisii Vatykana) u Rymie padčas ramontnych rabot znajšli frahmienty čałaviečych kostak, havorycca ŭ paviedamleńni pres-słužby Śviatoha pasadu.
Jak paviedamlaje hazieta Corriere della Sera, pa fakcie znachodki papski nuncyj Emil Poł Crychryh źviarnuŭsia da inśpiektara hramadskaj biaśpieki Vatykana (pasiarednik ź italjanskaj žandarmieryjaj) Łuidžy Karnievali, a toj źviazaŭsia z palicyjaj i prakuraturaj. Z pareštkami pačali pracu palicejskija kryminalisty, kab vyznačyć poł i datu śmierci.
Pavodle adnoj ź viersij, heta mohuć być kostki źnikłaj u Vatykanie ŭ 1983 hodzie 15-hadovaj Emanueły Arłandzi. Usie hetyja hady svajaki sprabavali daviedacca pra los dziaŭčyny. Dla ŭstanaŭleńnia svajactva budzie praviedzieny analiz DNK.
Jak paviedamlaje la Stampa, heta taksama mohuć być pareštki 15-hadovaj Mireły Hrehary, jakaja źnikła za miesiac da Arłandy.
