Kancler Niamieččyny Anhieła Mierkiel zajaviła, što FRH budzie vystupać za praciah sankcyj suprać RF, pakolki prahresu ŭ realizacyi minskich damoŭlenaściej pakul niama. Pra heta jana zajaviła ŭ čaćvier u Kijevie, tranślacyju vioŭ niamiecki telekanał Welt.
«Pa stanie na siońniašni dzień Hiermanija budzie ŭ tym liku i ŭ śniežni vystupać za praciah sankcyj», — skazała jana.
«My zaŭsiody kazali, što sankcyi ŭviazanyja z peŭnaj situacyjaj i što kali budzie prahres, to my zmožam abmiarkoŭvać palohku sankcyj», - adznačyła kancler. «Na žal, ciapier situacyja takaja, što minskija pahadnieńnia nie vykonvajucca», — kanstatavała jana.
Ciapier u dačynieńni da Rasiei dziejničaje niekalki pakietaŭ sankcyj ES: ekanamičnyja, indyvidualnyja abmiežavalnyja miery i sankcyi pa Krymie. Apošni - heta nabor metavych sankcyj u dačynieńni da Kryma, ź jakim jeŭrapiejskamu biznesu zabaroniena padtrymlivać jakija-niebudź suviazi. Miery, pryniatyja ŭ ramkach tak zvanaj Stratehii ES pa niepryznańni rašeńnia Rasii ab dałučeńni Kryma, dziejničajuć da 31 studzienia 2019 z mahčymaściu praciahu.
Drukujecca ŭ miežach śpiecyjalnaj rubryki «Naviny Hiermanii»
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»31
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3535
Kamientary