Usejn Bołt pakinuŭ raźmiaščeńnie kamandy vyšejšaha dyvizijona čempijanatu Aŭstralii «Sentrał Kost Maryners». Kłub prapanoŭvaŭ vaśmirazovamu alimpijskamu čempijonu pa lohkaj atletycy zarobak 150 tys. dalaraŭ u hod, ale jamajca hetyja ŭmovy nie zadavolili.
U žniŭni 2018 hoda Bołt padpisaŭ pahadnieńnie z «Sentrał Kost Meryners». Jano dazvalała jamajskamu spartsmienu treniravacca z kamandaj padčas pieradsiezonnaj padrychtoŭki. Bołt pravioŭ u składzie kłuba dva tavaryskija matčy, u adnym ź jakich zabiŭ dva hały.
«Bołt nie zmoža praciahnuć karjeru ŭ našaj kamandy. My nie zmahli damovicca ab umovach kantraktu. Tym nie mienš, my rady, što jon pravioŭ z nami apošnija vosiem tydniaŭ», — havorycca ŭ zajavie na aficyjnym sajcie SKM.
0
0
0
0
0
0
