Prezident ZŠA Donald Tramp zajaviŭ, što ZŠA pa-raniejšamu adkrytyja da zaklučeńnia novaha ŭsioabdymnaha pahadnieńnia ź Iranam i zaklikaŭ Tehieran «zrabić vyrazny vybar». Zajava amierykanskaha prezidenta źjaviłasia za niekalki dzion da ŭviadzieńnia novaj chvali sankcyi ŭ dačynieńni Irana.
«Naša meta — prymusić režym zrabić vyrazny vybar: albo spynić svaje kiepskija pavodziny, abo praciahvać šlach da ekanamičnaj katastrofy», — skazaŭ Tramp u svajoj zajavie, apublikavanaj Biełym domam.
«Złučanyja Štaty pa-raniejšamu adkrytyja da dasiahnieńnia novaj ŭsioabdymnaj uhody ź Iranam, jakaja nazaŭždy zabłakuje jamu šlach da jadziernaj zbroi, zakranie uvieś śpiektr jaho złamysnych dziejańniaŭ i budzie dastojnaja iranskaha naroda. Pakul hetaha nie zdarycca našy histaryčnyja sankcyi buduć zastavacca ŭ sile», — skazana ŭ zajavie.
Tramp padkreśliŭ, što Vašynhton ŭvodzić sankcyi «suprać režymu i jaho dziejańniaŭ, a nie suprać šmatpakutnaha iranskaha naroda». «My zaklikajem režym admovicca ad svaich jadziernych ambicyj, źmianić pavodziny, pavažać pravy svaich hramadzian i viarnucca za stoł pieramovaŭ. My raźličvajem na supracoŭnictva našych sajuźnikaŭ i partnioraŭ u hetych namahańniach», - skazaŭ amierykanski lidar.
Novy pakiet sankcyj u dačynieńni da Irana ZŠA, jakija vyjšli ź jadziernaj ździełki, płanujuć uvieści 5 listapada.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»31
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3232
Kamientary