Pres-słužba HU MUS RF pa Krasnadarskim krai
Amal 20 čałaviek paciarpieli ŭ vyniku sutyknieńnia pasažyrskaha ciahnika №301 Minsk — Adler z hruzavikom u Krasnadarskim krai. Ab hetym paviedamlajecca na sajcie Paŭnočna-Kaŭkazskaj čyhunki.
Zdareńnie adbyłosia siońnia a 4-j ranicy. Kiroŭca hruzavoha aŭtamabila praihnaravaŭ zabaranialny sihnał śviatłafora i vyjechaŭ na rejki. Mašynist ciahnika užyŭ ekstranaje tarmažeńnie, ale adlehłaść akazałasia niedastatkovaj, sutyknieńnia paźbiehnuć nie ŭdałosia.
Kiroŭca hruzavika dastaŭleny ŭ balnicu. Taksama paciarpieli mašynist i pamočnik mašynista, 15 pasažyraŭ ciahnika źviarnulisia pa miedycynskuju dapamohu sa skarhami na lohkija traŭmy. Usiaho ŭ ciahniku jechała 650 čałaviek, u tym liku 188 dziaciej.
Paviedamlajecca, što siarod paciarpiełych — troje biełarusaŭ.
Ahienctva TASS udakładniaje, što ŭ balnicu byli dastaŭleny čatyry čałavieki, adzin ź ich u ciažkim stanie.
Ruch ciahnikoŭ u ciapierašni čas ažyćciaŭlajecca pa susiednich rejkach.