Pradstaŭniki analityčnych centraŭ ZŠA 5-6 listapada naviedvajuć Biełaruś, paviedamlaje MZS.
Fota: MZS.
U skład delehacyi ŭvachodziać ekśpiert Centra pa analizie jeŭrapiejskaj palityki Ben Chodžes (jaki raniej byŭ kamandujučym Suchaputnymi vojskami ZŠA ŭ Jeŭropie), staršy dyrektar Centra dypłamatyi i hłabalnych adnosin imia Bajdena Majkł Karpienter, ekśpiert analityčnaha centra «Karparacyja REND» Brus Makklintak, prezident Džejmstaŭnskaha fondu Hlen Chovard i staršy navukovy supracoŭnik hetaha fondu Uładzimir Sakor.
Prahrama vizitu ŭklučaje sustreču analitykaŭ u Ministerstvie abarony, a taksama naviedvańnie Minskaha suvoraŭskaha vajskovaha vučylišča, Parku vysokich technałohij, muzieja historyi Vialikaj Ajčynnaj vajny.
Z amierykanskimi analitykami sustreŭsia ministr zamiežnych spraŭ Biełarusi Uładzimir Makiej.
