Vystup vice‑premjera Andreja Kabiakova pierad deputatami.
Ekanamičnyja pahrozy ŭ suviazi z suśvietnym finansavym kryzisam dla Biełarusi buduć minimalnyja. Ab hetym zajaviŭ vice‑premjer Biełarusi Andrej Kabiakoŭ, vystupajučy ŭ pałacie pradstaŭnikoŭ nacyjanalnaha schodu.
Čamu? Bo Biełaruś «nie abciažaryła siabie vysokim zamiežnym doŭham» i nie puściła ŭ ekanomiku śpiekulacyjny kapitał. Razam z tym, dadaŭ vice‑premjer, «Biełarusi nie ŭdasca poŭnaściu adyści ad upłyvu suśvietnaha finansavaha kryzisu».
«Kali čytaješ ab tym, što va Ukrainie prypynili svaju rabotu 17 z 35 domiennych piečaŭ u hałoŭnaj halinie krainy — mietałurhii, jak «pasypalisia» vytvorčaści na suśvietnych aŭtahihantach, vostra razumieješ, što paźbiehnuć upłyvu kryzisu nie ŭdasca nikomu, u tym liku i Biełarusi», — skazaŭ Andrej Kabiakoŭ.
Jon taksama paviedamiŭ, što dla dalejšaj realizacyi prahramy raźvićcia małych haradoŭ moža być akazana dadatkovaja narmatyŭna‑pravavaja padtrymka. Havorka pra toje, što stan mnohich pradpryjemstvaŭ u małych haradach płačeŭny, a kryzis moža ich dabić zusim.
Abjom pramych zamiežnych inviestycyj, jakija pastupili ŭ Biełaruś u studzieni‑vieraśni biahučaha hoda, skłaŭ $1,9 młrd.,abo 35,8 pracenta ad ahulnaha abjomu pastupleńniaŭ zamiežnych inviestycyj za 9 miesiacaŭ ($5,2 młrd.).
Pavodle słoŭ Andrej Kabiakova, da kanca hoda Biełaruś zachavaje vysokuju inviestycyjnuju aktyŭnaść:
temp rostu inviestycyj u asnoŭny kapitał budzie nie mienšy jak 120 pracentaŭ pry zaćvierdžanym prahnozie 115‑117 pracentaŭ.
Jon nahadaŭ, što niadaŭna ŭ Łondanie prajšoŭ Biełaruski inviestycyjny forum. «Jaho praviadzieńnie dało mahčymaść pakazać šyrokamu kołu patencyjalnych inviestaraŭ našu ekanomiku, sacyjalna‑ekanamičnuju palityku, novyja inviestycyjnyja mahčymaści viadzieńnia biźniesu ŭ Biełarusi. Reakcyja zachodnich dziełavych kołaŭ daje ŭpeŭnienaść u tym, što forum staŭ surjoznym krokam u pavyšeńni inviestycyjnaj pryvabnaści krainy i ŭžo ŭ bližejšy čas vyjavicca ŭ vyhladzie dadatkovaha prytoku zamiežnych inviestycyj u ekanomiku Biełarusi», — padkreśliŭ Andrej Kabiakoŭ.
Urad Biełarusi ŭzmacniŭ patrabavańni da pavieličeńnia ekspartu pasłuh, paviedamiŭ Andrej Kabiakoŭ.
«Urad rezka ŭzmacniŭ patrabavańni pa raźvićciu mahčymaściej ekspartu roznych vidaŭ pasłuh. Asablivyja nadziei my ŭskładajem na bolš poŭnaje vykarystańnie tranzitnaha patencyjału krainy», — skazaŭ Andrej Kabiakoŭ. U hetych metach raspracavany śpiecyjalnyja prahramy, jakija praduhledžvajuć budaŭnictva 53 łahistyčnych centraŭ.
Adjemnaje salda zamiežnahandlovaha balansu raście, choć i pavoli. Za studzień‑vierasień 2008 hoda ekspart tavaraŭ i pasłuh pavialičyŭsia na 53,9 pracenta, impart — na 54 pracenty.
Admoŭnaje salda źniešniaha handlu skłałasia na ŭzroŭni $2544 młn., što na $888 młn. vyšej u paraŭnańni sa studzieniem‑vieraśniem 2007 hoda.
«My ŭžo sutyknulisia z faktam rezkaha panižeńnia cen na biełaruskija tavary, jakija źjaŭlajucca važniejšymi ekspartnymi pazicyjami, asabliva heta datyčycca pradukcyi chimičnaj, naftachimičnaj pramysłovaści, mašynabudavańnia. Akramia taho, zafiksavana zamarudžvańnie abarotu srodkaŭ pa źniešniehandlovych apieracyjach, što istotna pavyšaje patrebnaści ŭ kredytavańni», — padkreśliŭ jon, dadaŭšy, što ministerstvy i kancerny Biełarusi prymajuć nieabchodnyja miery pa minimizacyi niehatyŭnych prajaŭ suśvietnaha finansavaha kryzisu.
Andrej Kabiakoŭ adznačyŭ, što ciapier asabliva ŭzrastaje nieabaronienaść vytvorcaŭ spažyvieckich tavaraŭ, kali popyt na ich pradukcyju na źniešnich rynkach pačynaje źnižacca. U hetym vypadku administracyjnaja abarona ajčynnych tavaravytvorcaŭ stanovicca mienšaja. Tamu padtrymka budzie ažyćciaŭlacca za košt udaskanaleńnia narmatyŭna‑pravavoj bazy, padkreśliŭ Andrej Kabiakoŭ. Pry hetym jon skazaŭ, što 2008 hod budzie zavieršany z vykanańniem u poŭnym abjomie prahnoznych pakazčykaŭ pa vytvorčaści spažyvieckich tavaraŭ.
Zabarona avansavych płaciažoŭ pa imparcie ŭ Biełarusi zachavajecca,zajaviŭ vice‑premjer Andrej Kabiakoŭ.
Jon pryznaŭ, što ŭ suviazi z hetym imparcioram «pracujecca ciažka, ale ŭ nas ekanomika tak pabudavana».
Andrej Kabiakoŭ nahadaŭ, što raniej biełaruskija ekspartnyja tavary pastaŭlalisia na ŭmovach pieradapłaty za 2‑3 miesiacy. Ale ciapier, na žal, naadvarot, pa ich iduć adterminoŭki płaciažoŭ na 2‑3 miesiacy. «Tamu kali my pa svajmu ekspartu budziem davać adterminoŭki, a pa impartu ŭsich avansavać, to ŭ dziaržavy na heta srodkaŭ nie chopić», — padkreśliŭ vice‑premjer.
Inflacyja ŭ Biełarusi pa vynikach 2008 hoda składzie 14‑14,5 pracenta,paviedamiŭ vice‑premjer. Jon nahadaŭ, što pa vynikach 10 miesiacaŭ inflacyja ŭ Biełarusi skłała 10,5 pracenta (abo 1 pracent u siarednim u miesiac).
Heta trochi mienš, čym va Ŭkrainie, ale trochi bolej, čym u Rasiei.
Namieśnik premjer‑ministra Biełarusi Andrej Kabiakoŭ ličyć svoječasovaj padtrymku bankaŭskaj sistemie krainy, vyłučanuju ŭ abjomie $1,5 młrd.
Nahadajem, što
pryniata rašeńnie ab pavieličeńni statutnych fondaŭ biełaruskich dziaržbankaŭ za košt srodkaŭ biudžetu ŭ śniežni na $1,5 młrd.,što vyklikana nieabchodnaściu ŭmacavańnia bankaŭskaj sistemy Biełarusi z ulikam situacyi na źniešnich rynkach.
«Niadaŭna my atrymali pieršuju častku rasijskaha kredytu na sumu $1 młrd., i
jość pierśpiektyva, što ŭ lutym atrymajem jašče $1 młrd.», — skazaŭ Andrej Kabiakoŭ. Pry hetym jon nie vyklučyŭ vierahodnaści taho, što hetyja resursy mohuć być atrymany ŭ ekvivalencie rasijskich rubloŭ.«Heta nie tak važna, u jakoj valucie atrymać resursy, my heta pradmietna budziem abmiarkoŭvać da ŭstanoŭlenaha terminu atrymańnia kredytu», — dadaŭ Andrej Kabiakoŭ.
Pieršy tranš stabilizacyjnaha kredytu ad Rasijskaj Fiederacyi ŭ pamiery $1 młrd. pastupiŭ na rachunak Ministerstva finansaŭ u Nacyjanalnym banku Biełarusi 18 listapada. Hrašovyja srodki pieraličany ŭ adpaviednaści z zaklučanym pahadnieńniem pamiž Biełaruśsiu i Rasijaj, jakoje padpisali vice‑premjer — ministr finansaŭ Rasii Alaksiej Kudryn i ministr finansaŭ Biełarusi Andrej Charkaviec. Pamiž dźviuma krainami dasiahnuta damoŭlenaść ab vydzialeńni Biełarusi stabilizacyjnaha kredytu ŭ pamiery $2 młrd. u 2008‑2009 hadach.
Baki abmiarkujuć kankretnyja dziejańni i dakumienty, jakija nieabchodna padpisać z metaj realizacyi prapanoŭ rasijskaha boku ab nadańni rasijskamu rublu statusu rehijanalnaj valuty, a taksama ab pierachodzie ŭ maksimalnaj stupieni va ŭzajemaraźlikach i handli pamiž Biełaruśsiu i Rasijaj na rasijski rubiel.
Pavodle słoŭ Andreja Kabiakova, biełaruski bok padtrymlivaje hetyja prapanovy Rasii. «Ale dla taho, kab hetyja raźliki ažyćciaŭlalisia, patrebny peŭnyja abjomy rasijskich rubloŭ. Heta źjaŭlajecca pradmietam pierahavoraŭ. My raźličvajem, što ŭ bližejšy čas ich praviadziom», — skazaŭ vice‑premjer.
Taksama Andrej Kabiakoŭ vysoka aceńvaje šansy na atrymańnie kredytu Mižnarodnaha valutnaha fondu. «Ja dumaju, što mahčymaść atrymańnia kredytu isnuje i jana davoli vysokaja», — skazaŭ Andrej Kabiakoŭ.
