Jany źjaŭlajucca daradcami jeŭrakamisara pa pytańniach źniešniaj palityki i biaśpieki ES Chaŭjera Sałany. Pra heta Jeŭraradyjo paviedamiŭ Alaksandr Milinkievič.
«Płanavaŭsia vizit na 30 listapada—1 śniežnia,
ale jon mnie patelefanavaŭ i skazaŭ, što pieranosicca na 16‑ha.Ja dumaju, što heta dakładnaja ŭžo infarmacyja».
Pavodle słoŭ palityka, daradcy jeŭrakamisara pa pytańniach Ukrainy, Małdovy i Biełarusi padčas svajho vizitu ŭ Minsk sustrenucca z pradstaŭnikami ŭłady i apazicyi. Palityk spadziajecca, što narešcie budzie raspracavanaja «darožnaja karta», pa jakoj u bližejšy čas majuć raźvivacca adnosiny pamiž aficyjnym Minskam i Jeŭrasajuzam:
«Ja dumaju, što jakraz vizit Chielhi Šmit, jaki maje adbycca, pavinien paspryjać napisańniu «darožnaj mapy», pra jakuju ciapier idzie stolki razmovaŭ. Tady kožny z bakoŭ budzie viedać, što jamu rabić, i čakać na kroki ź inšaha boku».
Sa svajho boku były kandydat u prezidenty budzie ŭzdymać pytańnie palityčnych viaźniaŭ, jakija jašče zastajucca za kratami, i zakančeńnia palityčnych represijaŭ. A taksama mahčymaść rehistracyi niezarehistravanych niedziaržaŭnych arhanizacyj.
