Minkultury ŭchvaliła źjaŭleńnie ŭ Biarozaŭcy, što ŭ Lidskim rajonie, pomnika zasnavalniku škłozavoda «Nioman» Juliusu Stole. Hetaj inicyjatyvaj zajmajucca miascovyja aktyvisty, u tym liku ruchu «Za svabodu», paviedamlaje pres-słužba arhanizacyi.
«Razhladzieŭšy listy Biarozaŭskaha harvykankama, Ministerstva kultury padtrymlivaje ideju stvareńnia i ŭstaloŭki pamiatnika Ju.A. Stole ŭ h. Biarozaŭka za košt pazabiudžetnych (sponsarskich) srodkaŭ», — skazana ŭ liście za pieršaha namieśnika ministra Iryny Dryhi.
Fota sa staronki kraŭdfandynhavaha prajekta na płatformie talaka.org
«My viedali, što dziaržaŭnaja mašyna pracuje marudna, tamu chutkaha adkazu nie čakali. Tak jano i vyjšła. Tym nie mienš, stanoŭčy adkaz ministerstva my vitajem i raspačynajem druhi etap našaj inicyjatyvy — zbor srodkaŭ na sam pomnik», — prakamientavaŭ rašeńnie siabra ruchu «Za svabodu» Vitold Ašurak.
Pa jahonych słovach, asoba Julijusa Stole dla jaho — heta simvał paśpiachovaha pradprymalnika, jaki realizavaŭ svoj patencyjał, u vyniku čaho źjaviŭsia ceły horad pracavitych, ambitnych i aktyŭnych ludziej — Biarozaŭka.