Heta vynikaje z abnarodavanaha 2 śniežnia dakładu Mižnarodnaj arhanizacyi pa mihracyi — adnaho z padraździaleńniaŭ AAN.
Pavodle ekspertaŭ, u 2005 hodzie ŭ Niamieččynie pastajanna pražyvała bolš za 10 młn zamiežnikaŭ. Pakazčyki Francyi i Vialikabrytanii, što zaniali 2‑ie i 3‑ie miescy, značna nižej — 6,5 młn i 5,4 młn mihrantaŭ adpaviedna, paviedamlaje litoŭskaje infarmacyjnaje ahienctva delfi sa spasyłkaj na Deutsche Welle.
***
Niamieččyna zaŭsiody była adna z krainaŭ, kudy pryjaždžali biełaruskija rabotniki. U pačatku XX st. tut na sezonnych zarobkach pracavali niekalki socień tysiač našych suačyńnikaŭ (mieniej čym u Danii i Francyi). U 1921 h. u Berlinie było adkryta symbaličnaje konsulstva BNR, a ŭ 1920-1930-ch na zarobki siudy pryjaždžali ŭžo z uschodnich kresaŭ Panskaj Polščy.
U vyniku padziej II suśvietnaj na terytoryi Niamieččyny apynulisia znoŭ niekalki socień tysiač biełarusaŭ (vajennaałonnyja z polskaj, Čyrvonaj Armii, tolki na prymusovyja pracy siudy byli vyviezienyja 399 tys. našych ziemlakoŭ).
Paśla kapitulacyi Niamieččyny i zachadaŭ pa viartańni prymusova vyviezienych na radzimu ŭ lahierach dla pieramieščanych asob apynułasia niedzie pad 50 tys. tych, chto nie pažadaŭ viartacca ŭ Biełaruś. U 1947-1950 hh. u vyniku vialikaha pierasialeńnia jany zbolšaha emihravali za dva akijany (ZŠA, Kanada, Aŭstralija, mieniej u Paŭdniovuju Ameryku), častkova ŭ Brytaniju, Francyju, Belhiju.
Biełaruskaja Niamieččyna zbolšaha tady abiaźludnieła, za vyniatkam vyspački ŭ Miunchenie, što hurtavałasia vakoł biełaruskaj redakcyi Radyjo Svabody i Instytutu pa vyvučeńni SSSR, a taksama paasobnych biełarusaŭ -- Kasmovičaŭ, U. Sieńki, Ju. Popki dy inš.
Novaja emihracyja pačaŭsia z pačatku 1990-ch.
I navat, pavodle źviestak, ZBS Baćkaŭščyna tam dziejničaje, pavodle staroj biełaruskaj tradycyi, dźvie arhanizacyi našych suajčyńnikaŭ: «Zhurtavańnie biełarusaŭ u Niamieččynie» (staršynia - Jazep Paŭłovič) i «Zhurtavańnie biełarusaŭ Niamieččyny» (staršynia - Jaŭhien Muraška). Vypadak absalutna nie ŭnikalny.
Pomnik žurnalistu, supracoŭniku Instytutu vyvučeńnia SSSR Alesiu Marhoviču ŭ Miunchenie.
