Były rabotnik sajta Minabarony raspuskaŭ čutki pra sotni zahinułych u «Arena-Sici»
Uładzimir Kažeŭnikaŭ doŭhi čas pracavaŭ redaktaram ahienctva «Vajar», byŭ supracoŭnikam Ministerstva abarony. Zapomniŭsia svaimi publikacyjami, dzie źniasłaviŭ apazicyju.
Paśla zdareńnia ŭ handlovym centry «Arena-Sici» Kažeŭnikaŭ napisaŭ u svaim fejsbuku: «Kučy mietału abvalilisia na naviedvalnikaŭ. Ciapier zavały raźbirajuć uručnuju. Kolki čałaviek zahinuła, pakul nie mahčyma spraŭdzić. Vidavočcy kažuć ab sotni zahinułych».
Na samaj spravie pry abrušvańni dachu ŭ «Arenie-Sici» paciarpieli dva čałavieki, nichto nie zahinuŭ.
«U Respublicy Biełaruśsija (tak pravilna nazyvajecca pa-rusku dziaržava) čynoŭniki chavajuć maštaby trahiedyi. Im niavyhadna pisać praŭdu pra nastupstvy abrušeńnia pierakryćcia ŭ handlovym centry. Zavały jašče nie razabrany, a jany chavajuć šmatlikich achviaraŭ», — adznačyŭ Kažeŭnikaŭ.
Uładzimir Kažeŭnikaŭ rodam ź Jarasłaŭla (Rasija). U 2015 hodzie Kažeŭnikaŭ, pracujučy ŭ Ministerstvie abarony, pisaŭ, što Biełaruś źjaŭlajecca častkaj «ruskaha śvietu», a nazvu krainy jon pryncypova pisaŭ «Biełoruśsija». U chutkim časie jon byŭ zvolnieny z «Vajara». Zarablaje hrošy, pišučy scenary dla rasijskich stužak. Žyvie ŭ Maskvie.
Kamientary