Druhakurśnik Biełaruskaj dziaržaŭnaj akademii avijacyi Rustam Rahimaŭ zatrymany. Jon nanios niekalki ŭdaraŭ nažom 21-hadovamu minčuku.
Rustam Rahimaŭ. Fota z sacsietak
Adbyłosia ŭsio ŭviečary 12 listapada.
Ad traŭmaŭ paciarpieły pamior. 18-hadovaha Rahimava źmiaścili pad vartu. Viadoma, što jon byŭ pjany.
Pa čutkach, kanflikt moh adbycca praź dziaŭčynu.
Studenty kažuć, što Rahimaŭ pajechaŭ vyśvietlić adnosiny z chłopcam-biełarusam. Pryčynaj byli simpatyi da pieršakurśnicy z Akademii.
Dakładnaj infarmacyi pra kanflikt studenty nie majuć. Ale ŭzhadvajuć, što biełarus chacieŭ paprasić Rahimava adčapicca ad dziaŭčyny. Rustam pahadziŭsia sustrecca i pahavaryć, ale nibyta ŭziaŭ z saboj niekalki znajomych studentaŭ-zamiežnikaŭ.
Paśla ich taksama zatrymali, ale paźniej vypuścili. Pad vartaj zastaŭsia adzin Rahimaŭ.
Viadoma, što ŭ internacie Akademii ŭčora byli siłaviki.
«Ja pračnuŭsia, hladžu — amapaŭcy hulajuć pa internacie», — raspavioŭ adzin sa studentaŭ.
Novapryznačany rektar Akademii Arciom Šahidevič nie paćviardžaje, ale i nie abviarhaje zdareńnie: «Takoj infarmacyjaj ja nie vałodaju. Kali štości i zdaryłasia, to nie na terytoryi Akademii».
