Rasijskaja hvardyja zakuplaje dadatkovaje abstalavańnie dla razhonu mitynhaŭ. U pryvatnaści, płanujecca nabyć i łaziernuju zbroju.
Z apisańnia zakupki možna mierkavać, što jaje buduć vykarystoŭvać dla aślapleńnia natoŭpu. Ci biaśpiečna heta?
Pryncypy dziejańnia łaziera «Našaj Nivie» patłumačyŭ vajenny ekśpiert Alaksandr Alesin.
«Łaziernyja vypramieńvalniki zvyčajna vykarystoŭvajucca dla aślapleńnia pryładaŭ naviadzieńnia broniemašyn, dla aślapleńnia dronaŭ. Taksama — dla aślapleńnia snajpieraŭ i lotčykaŭ. Jość vypadki, kali ludzi navat z amatarskimi łaziernymi ŭkazkami aślaplali piłotaŭ hramadzianskaj avijacyi. Tamu tearetyčna łazier možna skiravać i na natoŭp.
Ale vyklikaje pytańnie biaśpieka — kali łazier traplaje na nieabaronienaje voka, to imavierny apiok siatčatki. Heta vielmi surjoznaja reč», — kaža Alesin.
Łaziernyja technałohii jak srodak razhonu natoŭpu razhladajuć i ŭ inšych krainach. Amierykancy daśledavali ŭździejańnie łaziera na ludziej — kali jon trapić na cieła, napadnik adstupić, bo jamu budzie mocna piačy.
