Niećviarozy hramadzianin Rasijskaj Fiederacyi zładziŭ stralbu z traŭmatyki ŭ salihorskim hulniavym kłubie, paviedamlaje HUUS Minabłvykankama. 15 listapada kala pałovy na šostuju ranicy narad hrupy zatrymańnia Salihorskaha adździeła achovy vybyŭ na spracoŭvańnie knopki tryvožnaj sihnalizacyi adnaho z hulniavych ustanoŭ horada.
Z ustanovy čulisia kryki. Uvajšoŭšy, supracoŭniki adrazu ž źviarnuli ŭvahu na mužčynu, u rukach u jakoha byŭ pradmiet, padobny da pistaleta. U kłubie byŭ biesparadak, niekatoryja jaho naviedniki lažali na padłozie. Milicyjanty biez pramarudžańnia zatrymali parušalnika.
Vyśvietliłasia, što fihurant, znachodziačysia ŭ stanie ałkaholnaha apjanieńnia, u pamiaškańni zały hulniavych aŭtamataŭ zrabiŭ niekalki strełaŭ z traŭmatyčnaha pistaleta. Piersanał ustanovy nacisnuŭ knopku tryvožnaj sihnalizacyi. Dziakujučy apieratyŭnamu prybyćciu hrupy zatrymańnia ad dziejańniaŭ chulihana nichto nie paciarpieŭ.
Parušalnikam, jak vyśvietliłasia, byŭ hramadzianin Rasijskaj Fiederacyi, što časova pražyvaje ŭ Salihorsku. Pryčynu svaich pavodzin mužčyna patłumačyć nie zmoh.
