Fota: Flickr/Ansel.Ma.
Śpis najlepšych haradoŭ dla tych, chto pracuje addalena i padarožničaje, uznačaliŭ horad Haosiun ŭ Tajvani.
Pra heta paviedamlaje vydańnie Lonely Planet.
Adznačajecca, što košt miesiačnaha pražyvańnia ŭ Haosiun składaje 956 dalaraŭ na miesiac. U hetuju sumu ŭvachodzić apłata numaru ŭ niedarahim hateli ŭ centry horada i trochrazovaje charčavańnie.
Druhi radok zaniaŭ ukrainski Lvoŭ, miesiac žyćcia ŭ jakim abyjdziecca ŭ 539 dalaraŭ. Na trecim miescy apynułasia stalica Niepała, horad Katmandu, štomiesiačnyja raschody u jakim składajuć 651 dalar.
Jašče ŭ top-10 patrapili stalica Vjetnama, horad Chanoj (859 dalaraŭ), Kałomba na Šry-Łancy, Čyanhraj u Tajłandzie, Dałat u Vjetnamie, Biškiek u Kyrhyzstanie i Kieretara ŭ Mieksicy.
Śpis składali na asnovie takich kryteryjaŭ, jak chutkaść internetu, klimat, biaśpieka, košt arendy žylla i družalubnaść miascovych žycharoŭ.
