Polski rytejler dziciačaha adzieńnia CDRL S.A. źbirajecca nabyć 90% akcyj biełaruskaj handlova-pramysłovaj hrupy West Ost Union, što vałodaje ŭ Biełarusi sietkaj kram «Buslik». Heta vynikaje z paviedamleńnia polskaha akcyjaniernaha tavarystva, apublikavanaha na sajcie Varšaŭskaj fondavaj biržy, piša belretail.by.
U paviedamleńni havorycca, što CDRL S.A. padčas pieramovaŭ z pradaŭcami — Jeŭrapiejskim bankam rekanstrukcyi i raźvićcia i čatyrma fizičnymi asobami — uzhodnienyja ŭmovy pakupki 90% akcyj West Ost Union. Ahulny košt akcyj składaje $ 6,39 młn. Jana budzie vypłačana na padstavie dahavora kupli-prodažu akcyj, jaki budzie zaklučany paśla atrymańnia zhody MARH Respubliki Biełarusi.
Kampanija West Ost Union vałodaje 46 mahazinami ŭ Biełarusi, ź ich 17 u samim Minsku. U sietcy pradajucca ŭsie hrupy praduktaŭ dla dziaciej ad naradžeńnia da 12 hadoŭ, uklučajučy dziciačaje charčavańnie, padhuźniki, aksesuary dla novanarodžanych, dziciačuju kaśmietyku, dziciačyja kałyski, vopratku, abutak, cacki, kazki i vučebnuju litaraturu.
Kamientary