Spojler: chałodna (amal) nie budzie.
1. Kancert Šuma
Prychilnikam jakasnaj biełaruskaj muzyki raim naviedać kancert Šuma, što adbudziecca 2 śniežnia (niadziela) u «Korpusie». Na im budzie prezientavany klip na trek «Chmarki». Varta pryjści!
Kvitki: 10—20 BYN.
Padrabiaźniej pra kancert čytajcie tut.
2. «Piasočnica» — Kaladny kirmaš
Usim amataram kaladnych kirmašoŭ raim nakiravacca ŭ «Piasočnicu». Pracavać kirmaš budzie tolki na vychadnych z 1 śniežnia da 6 studzienia (pryblizna). Tut možna budzie pačastavacca zimovymi setami pa zvykłym košcie — 7 rubloŭ. A taksama sahrecca duchmianym hlintviejnam.
Ale ž pryjści siudy varta nie tolki dziela smačnieńkaha. Na vychadnyja ŭ «Piasočnicy» zapłanavana nasyčanaja zabaŭlalnaja prahrama. I dla dzietak taksama.
3. Bulba Battle
Tym, chto ŭ zachapleńni ad biełaruskaj tradycyjnaj kuchni i lubić roznaha kštałtu spabornictvy, raim abaviazkova naviedać Bulba Battle. 1 śniežnia ŭ «Hraj-kafe» vy zmožacie absalutna biaspłatna pačastavacca dranikami. Pieramožcu arhanizatary abiacajuć pazityŭny pryz.
Padrabiaźniej pra draniki i konkurs tut.
4. Źziańnie
Usim tusoŭščykam my nahadvajem pra maštabnuju viečarynu «Źziańnie», što adbudziecca ŭ noč z suboty na niadzielu ŭ Ok16. Budzie šmat jakasnaj muzyki.
Varta adznačyć, što sioleta «Źziańnie» śviatkuje svajo trochhodździe. Z hetaj nahody arhanizatary padrychtavali niekalki cikavostak.
Kvitki: 10—20 BYN.
18+
Padrabiaźniej pra padzieju tut.
5. Vandroŭki ŭ minułaje
Unikalny adukacyjna-sacyjalny prajekt, jaki dapamoža vam ubačyć Minsk pa-inšamu. U hetuju subotu arhanizatary zaprašajuć prahulacca pa Rakaŭskim pradmieści i jaho vakolicach. Biarycie kavu/harbatu i apranajciesia ciaplej.
Udzieł u vandroŭkach biaspłatny, ale vy možacie dapamahčy raźvićciu prajekta, pakinuŭšy stolki hrošaj, kolki zachočacie.
Što zapłanavali arhanizatary na niadzielu, a taksama raskład na inšyja daty hladzicie tut.