Fota: president.gov.by.
Ahladalnik ličyć, što 6 śniežnia 2018 hoda adbyłasia biesprecedentnaja padzieja: składana pryhadać, kali z Uładzimiram Pucinym paspračalisia nie prosta publična, ale i ŭ dastatkova žorstkich vyrazach.
Łukašenka publična asadziŭ Pucina: Byccam vajavali razam, a Biełaruś maje horšyja ŭmovy za Hiermaniju VIDEA
«My ŭsie dobra viedajem, što ŭ ciapierašniaj Rasii padobnaje prosta niemahčyma — nielha piarečyć prezidentu Rasii, tym bolš spračacca ź im u žyvym efiry», — piša Dryzie.
Žurnalist upeŭnieny, što Alaksandru Łukašenku dapiakło, jamu zusim niaprosta: z-za roznych padatkovych i inšych manieŭraŭ rasijskaha ŭrada jon hublaje prybytki biudžetu. U Rasii tłumačać: časy ŭžo nie tyja — u samich hrošaj mała.
Žurnalist «Kommiersanta» ličyć, što sustrečy Pucin—Łukašenka nie prynieśli patrebnaha vyniku.
«Prezidenta Biełarusi možna zrazumieć: kali abryniecca ekanomika, jaho dalejšyja palityčnyja pierśpiektyvy nielha budzie nazvać śvietłymi. Samaje cikavaje, što jon faktyčna sam paznačyŭ korań prablemy: kali Minsk choča atrymlivać haz pa rasijskich koštach, značyć, jon pavinien stać Rasijaj, uvajści ŭ skład fiederacyi»,
— piša Dryzie.
Toje, što Alaksandr Łukašenka niervujecca, — heta znak, upeŭnieny jon. U Maskvy źjaviŭsia całkam realny šaniec dacisnuć biełaruskaha lidara.
