Расійскае выданне «Коммерсант» каментуе спрэчку паміж Пуціным і Лукашэнкам пра цану на газ. Палітычны аглядальнік Дзмітрый Дрызе лічыць, што Лукашэнка ў гэты раз рызыкуе пацярпець паражэнне ў жорсткім торгу з Масквой.
Аглядальнік лічыць, што 6 снежня 2018 года адбылася беспрэцэдэнтная падзея: складана прыгадаць, калі з Уладзімірам Пуціным паспрачаліся не проста публічна, але і ў дастаткова жорсткіх выразах.
Лукашэнка публічна асадзіў Пуціна: Быццам ваявалі разам, а Беларусь мае горшыя ўмовы за Германію ВІДЭА
«Мы ўсе добра ведаем, што ў цяперашняй Расіі падобнае проста немагчыма — нельга пярэчыць прэзідэнту Расіі, тым больш спрачацца з ім у жывым эфіры», — піша Дрызе.
Журналіст упэўнены, што Аляксандру Лукашэнку дапякло, яму зусім няпроста: з-за розных падатковых і іншых манеўраў расійскага ўрада ён губляе прыбыткі бюджэту. У Расіі тлумачаць: часы ўжо не тыя — у саміх грошай мала.
Журналіст «Коммерсанта» лічыць, што сустрэчы Пуцін—Лукашэнка не прынеслі патрэбнага выніку.
«Прэзідэнта Беларусі можна зразумець: калі абрынецца эканоміка, яго далейшыя палітычныя перспектывы нельга будзе назваць светлымі. Самае цікавае, што ён фактычна сам пазначыў корань праблемы: калі Мінск хоча атрымліваць газ па расійскіх коштах, значыць, ён павінен стаць Расіяй, увайсці ў склад федэрацыі»,
— піша Дрызе.
Тое, што Аляксандр Лукашэнка нервуецца, — гэта знак, упэўнены ён. У Масквы з'явіўся цалкам рэальны шанец даціснуць беларускага лідара.
Цяпер чытаюць
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?3
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары