Na minułym tydni adnoj z samych topavych stała navina pra biełarusa Vitala Jurčanku, jaki ŭ efir rasijskaha Pieršaha kanała vydavaŭ siabie za ŭkrainca Kiryła Čubienku. Fejkavy repartaž vyrabiła biełaruskaje ahienctva StringersHub, jakoje zvodzić videaapierataraŭ pa ŭsim śviecie ź ŚMI.
Jakaŭ Buta. Fota facebook.com.
Uznačalvaje StringersHub 28-hadovy Jakaŭ Buta, jaki raniej pracavaŭ karespandentam na BT. Buta ad imia ahienctva vybačyŭsia.
«Ja chaču paprasić prabačeńnia za tuju pamyłku, jakuju dapuściła naša kampanija. U pieršuju čarhu — pierad kiraŭnictvam, supracoŭnikami i, viadoma, hledačami Pieršaha kanała. Pierad žurnalisckaj supolnaściu, jakaja pryncypova adstojvaje prafiesijnyja kaštoŭnaści.
I Vitalom Jurčankam, jaki staŭ antyhierojem navinavych stužak u minułuju piatnicu», — havorycca ŭ zajavie Buty.
Kiraŭnik kaža, što pradziusar kampanii dapiściŭ «žachlivuju pamyłku». «Supracoŭnictva z hetym pradziusaram my ŭžo spynili».
«Tut nie idzie havorka pra spłanavanuju pravakacyju, stvareńnie śviadomych fejkaŭ ci ŭdziele ŭ infarmacyjnych vojnach. Heta banalny nieprafiesijanalizm», — adznačaje Jakaŭ Buta.
