Amierykanski avijałajnier, jaki lacieŭ rejsam ź Sietła ŭ Dałas, byŭ vymušany paviarnuć nazad z-za taho, što na jaho borcie znajšli zabytaje čałaviečaje serca.
Avijakampanija Southwest Airlines paviedamiła, što kantejnier dla pieravozki orhanaŭ dla transpłantacyi byŭ dastaŭleny z Kalifornii ŭ Sietł, dzie z serca pavinny byli ŭ klinicy vyniać kłapan dla budučaj pierasadki.
Ale hety kantejnier zabylisia vyhruzić z samalota, a jaho adsutnaść zastavałasia niezaŭvažanaj da taho času, pakul samalot nie pralacieŭ pałovu adlehłaści da Dałasa.
Heta serca nie pryznačałasia dla pierasadki kankretnamu pacyjentu.
Incydent adbyŭsia ŭ niadzielu, a jaho padrabiaznaści stali viadomyja ŭ čaćvier.
Pasažyry rejsa byli vielmi ździŭleny, kali kamandzir ekipaža abviaściŭ pra znachodku na borcie i pryčynu viartańnia ŭ Sietł.
Paviedamlajecca, što samalot z sercam na borcie znachodziŭsia ŭ pavietry kala troch hadzin.
Adrazu paśla viartańnia rejsa ŭ Sietł serca było dastaŭlena ŭ śpiecyjalny centr zachavańnia transpłantujemych orhanaŭ. Jano prylacieła tudy svoječasova i budzie vykarystana dla atrymańnia patrebnaha chirurham materyjału.