Palitrada AHP: Zajava Miadźviedzieva i adsutnaść reakcyi biełaruskich uładaŭ — heta realnaja pahroza dla suvierenitetu
Zajava palitrady Abjadnanaj hramadzianskaj partyi
Palitrada Abjadnanaj hramadzianskaj partyi razhladaje zajavu premjer-ministra Rasii Dźmitryja Miadźviedzieva, zroblenuju ŭ Breście, i reakcyju biełaruskich uładaŭ na dadzienyja prapanovy jak realnuju pahrozu dla suvierenitetu Biełarusi.
Prapanovy Kramla pra bolš ciesnuju palityčnuju intehracyju, uviadzieńnie ahulnaj valuty (u realnaści — rasijskaha rubla), ahulnych miežaŭ, suda, kantralujučych orhanaŭ u situacyi pravału ekanamičnaj intehracyi, va ŭmovach faktyčnaj vajny RF z Ukrainaj i supraćstajańnia Rasii sa značnaj častkaj cyvilizavanaj mižnarodnaj supolnaści — heta, pa sutnaści, prapanova dzieviaci z pałovaj miljonam hramadzian Biełarusi admovicca ad suvierenitetu i niezaležnaści i ŭciahnuć krainu ŭ kanfrantacyju i vajnu.
Palitrada AHP ličyć, što padobnaha rodu prapanovy i šantaž źjavilisia śledstvam palityčnaj niedalnabačnaści biełaruskich uładaŭ u ich kułuarnym handli i hulniami z Kramlom.
Palitrada AHP zajaŭlaje rašučy pratest płanam, ahučanym palityčnym kiraŭnictvam Rasii.
Palitrada AHP patrabuje ad biełaruskich uładaŭ nieadkładna i vyrazna adreahavać na šantaž z boku rasijskaha kiraŭnictva, na spravie dakazać nieadnarazova dekłaravanuju prychilnaść da niezaležnaści Biełarusi i paćvierdzić nieparušnaść suvierenitetu krainy.
My zaklikajem palityčnyja siły, struktury hramadzianskaj supolnaści, usich hramadzian krainy vystupić adzinym frontam i nie dapuścić inkarparacyi Biełarusi ŭ skład Rasijskaj fiederacyi!
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ2
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary