Pad Babrujskam mužčyna ź biełaj haračkaj vyklikaŭ chutkuju na 3 «trupy»
Atrymaŭšy paviedamleńnie, što ŭ viaskovaj chacie try miortvyja cieły, miedrabotniki adrazu pieradali paviedamleńnie ŭ milicyju. Vyklik akazaŭsia łžyvym, ale miedyki ŭsio ž spatrebilisia samomu mužčynu, jaki telefanavaŭ.
61-hadovy žychar vioski Kamienka prybieh da susieda, miascovaha žychara 84 hadoŭ, i raspavioŭ, što ŭ jaho ŭ domie try trupy: siastry, jaje muža i dziaŭčynki. Paprasiŭ vyklikać chutkuju. Dziadula, viadoma, vykanaŭ prośbu susieda. Miedrabotniki tut ža paviedamili pra hety vyklik u milicyju.
Pravaachoŭniki praz 10 chvilin byli na miescy. Na ščaście, akazałasia, što ŭsie žyvyja-zdarovyja. A mužčyna, jaki padniaŭ kryk, znachodziŭsia ŭ stanie biełaj harački paśla čarhovaha zapoju, i jamu niešta zdałosia. Supracoŭniki milicyi pieradali jaho bryhadzie chutkaj miedycynskaj dapamohi dla nakiravańnia ŭ psichanieŭrałahičnaje adździaleńnie dla akazańnia dapamohi.
Adkazny za łžyvy vyklik mužčyna adkaznaści nie paniasie, pakolki jon chvory.
Kamientary