Dźmitryj Bykaŭ. Fota: Sobiesiednik.
Papularny piśmieńnik adznačaje, što ŭ Biełarusi nikoli nie było i kaliva varožaści da Rasii, i sam Łukašenka usprymaŭsia nie stolki jak uvasableńnie niezaležnaści, kolki jak jaje praciŭnik. Adnak kali Kreml «naciśnie i złamaje» — mienavita Łukašenka stanie aporaj miascovaj samastojnaści.
«Niahledziačy na vielizarnuju kolkaść miascovych zabaronaŭ, na prajavy trahikamičnaha samadurstva i kastraŭski styl — Alaksandr Ryhoravič ledź nie apłot supracivu ruskamu śvietu. Vakoł jaho hatovyja zhurtavacca navat apazicyjnyja intelihienty — aby nie lehčy pad Rasiju i nie apynucca pad Pucinym»,
— piša Bykaŭ.
Piśmieńnik upeŭnieny: siońniašniaja Rasija damahłasia taho, što ad jaje čakajuć zachavańnia pucinskaha režymu luboj canoj: takoj canoj ujaŭlajecca albo suśvietnaja vajna, albo dałučeńnie luboj terytoryi, jakaja dazvalała b Pucinu abviaścić novy terytaryjalny status Rasii, źmianić Kanstytucyju, pryznačyć siabie carom. Navat kali Pucin u 2024 hodzie źbirajecca pakinuć pasadu, u heta nichto nie vieryć — ni apazicyja, ni susiedzi.
«Na minułym tydni žurnaliscki los zanios mianie ŭ Biełaruś. Ščyra skažu: nikoli ja nie bačyŭ krainu takoj spałochanaj. Jana nie choča źlivacca z nami navat pry ŭmovie ekanamičnych ilhotaŭ, navat pavodle krymskaha scenaru, pry ŭmovie pampavańnia ŭ jaje vielizarnych sum — u jakija taksama, darečy, nichto nie vieryć»,
— adznačaje Bykaŭ.
I kali navat źlićcio Rasii ź Biełaruśsiu adbudziecca, całkam imavierna, što i bolšaść rasijan zamiest Pucina zachočuć ubačyć prezidentam mienavita Łukašenku, ličyć piśmieńnik.
