Novy sposab mocna adroźnivajecca ad siońniašniaj praktyki, pry jakoj kasir sam praviaraje hrošy, a paśla pieraličvaje ich z dapamohaj padlikovaj techniki. Mienavita padčas ručnych i napaŭaŭtamatyčnych apieracyj mohuć uźnikać pamyłki.
Ciapier ža kasiru dastatkova pakłaści kupiury ŭ łatok zahruzki sartavalnika. Mašyna adnačasova pieraličyć, pravieryć na sapraŭdnaść i płaciežnaść banknoty, nakiruje infarmacyju ŭ režymie realnaha času ŭ śpiecyjalnuju prahramu, a taksama pradubluje zapis u sistemu videanazirańnia z zachavańniem na siervier banka.
«Ličbavy pieralik hrošaj dazvalaje ŭ režymie realnaha času nazirać za pracesam pracy kasiraŭ, a taksama źviartacca da archiva pry vyrašeńni sprečnych situacyj. Akramia taho, heta paskoryć praces apracoŭki hrošaj kasirami i, adpaviedna, skarocić čas absłuhoŭvańnia klijentaŭ. Novaja technałohija istotna pavysić jakaść absłuhoŭvańnia i pavialičyć pradukcyjnaść pracy bankaŭskich rabotnikaŭ», — adznačyła namieśnik staršyni praŭleńnia banka Lilija Astapovič.
Novy modul prahramna-techničnaha kompleksa składajecca ź ličylna-sartavalnaj sistemy, sistemy padziejnaha videakantrolu i prahramnaha zabieśpiačeńnia. Jon dazvalaje pravodzić łahičnyja kantroli i archivavańnie dadzienych usich apieracyj z banknotami. Raniej takoje rašeńnie nie vykarystoŭvałasia ŭ Biełarusi.