Tajha. Fota ź vikipiedyi
Trochhadovy chłopčyk vyžyŭ u maroznuju noč u tajzie, paśla taho jak paśla hibieli baćki zastaŭsia na darozie adzin. Pra heta paviedamili TASS u administracyi siała Kienajo Kamsamolskaha rajona ŭ Chabaraŭskam krai Rasii
Miascovy žychar, zabraŭšy syna ŭviečary ź dziciačaha sadka, adpraviŭsia ź im na raku, kab raźviedać darohu dla pajezdki na rybu. Na adlehłaści 3 km ad siała, u lesie, mužčyna vysadziŭ dzicia na bierazie, a sam vyjechaŭ na lod, i śniehachod pravaliŭsia.
Baćka paśpieŭ skazać synu, kab toj viartaŭsia dadomu. Ale chłopčyk pajšoŭ u procilehły ad siała bok. Miž tym tempieratura pavietra apuściłasia da minus 30—35 hradusaŭ.
Na ščaście pa toj darozie, dzie mašyny amal nie jeździać, viartaŭsia adzin ź miascovych. Jon padabraŭ dzicia, jakoje paśpieła prajści kala 3 km.
Na nastupny dzień u chłopčyka padniałasia vysokaja tempieratura, i ciapier jon atrymlivaje lačeńnie doma.
Ratavalniki praciahvajuć šukajuć cieła baćki-rybaka, jaki pravaliŭsia pad lod.
