Amierykaniec Kolin O'Bredzi pieršym u adzinočku pierasiok Antarktydu
Amierykanski padarožnik Kolin O'Bredzi staŭ pieršym u historyi čałaviekam, jaki ŭ adzinočku, pierasoŭvajučysia na łyžach, pierasiok Antarktydu.
Šlach daŭžynioj u 1500 kiłamietraŭ zaniaŭ u jaho 54 dni. Za saboj jon ciahnuŭ sani z praduktami i ryštunkam ahulnaj vahoj kala 170 kiłahramaŭ.
Rodnyja i siabry mahli sačyć za padarožžam O'Bredzi pa jaho instahramie, dzie jon publikavaŭ svaje fota i ŭražańni. «Ja zrabiŭ heta!» — napisaŭ padarožnik, dabraŭšysia da finišu.
Ludzi i raniej pierasiakali Antarktydu ŭ adzinočku, adnak pry hetym karystalisia dapamohaj zvonku — u pryvatnaści, pakinutymi zahadzia praduktovymi zapasami — ci ž miechaničnymi srodkami. 33-hadovy ŭradženiec Portlenda (štat Arehon) raźličvaŭ tolki na ŭłasnyja siły. Z O'Bredzi spaborničaŭ za pieršynstvo brytaniec Luis Rad, jaho padarožža pakul nie skončana.