U adroźnieńnie ad Śviatoha Mikałaja, u biełaruskaha Dzieda Maroza niama elfaŭ-pamočnikaŭ, a amal ŭsie listy prychodzicca raźbirać ŭručnuju. Zvyčajna na pračytańnie adnaho lista patrabujecca kala 3 chvilin, jašče 10 — na składańnie adkazu. Kab apracavać taki abjom karespandencyi, spatrebicca kala 3033 hadzin, što raŭnaznačna 380 rabočym dniam pa 8 hadzin kožny. A pakolki treba ŭkłaścisia ŭ tydzień, to Dziedu Marozu musić mieć 54 pamočniki.
Paskoryć praces moža ŭłasnaja CRM-sistema, jakuju zmadelavali ŭ biełaruskaj kampanii «Bitryks24». Da rašeńnia žartoŭnaj zadačy ekśpierty padyšli maksimalna surjozna.
«My zmadelavali realnyja mahčymaści servisu dla aŭtamatyzacyi pracy Dzieda Maroza, — raspaviadajuć u «Bitryks24». — U vyniku pryjšli da taho, što pry najaŭnaści CRM-sistemy zamiest 54 pamočnikaŭ moža chapić 5-7, što buduć dapamahać raźbirać ŭvachodnyja zajaŭki i adkazvać na telefanavańni».
Usie ŭvachodnyja zajaŭki dla Dzieda Maroza buduć źbiracca z roznych kanałaŭ: elektronnyja listy, paviedamleńni ŭ sacsietkach, formy na sajcie, miesiendžary, telefonnyja zvanki. U režymie realnaha času jany aŭtamatyčna buduć traplać da volnaha apieratara. Akramia hetaha, u sistemie praduhledžanyja aŭtamatyčnyja adkazy praz elektronnuju rassyłku dy šabłony listoŭ, a taksama čat-bot u miesiendžarach.
Nastrojka aŭtamatyčnaha adkazu na ŭvachodnyja paviedamleńni i listy dapamoža Dziedu Marozu skaracić sotni čałavieka-hadzin. Tak, na stvareńnie kreatyŭnaj piersanalizavanaj rassyłki sydzie 2—3 hadziny. Zatoje kožny, chto dašle elektronny list, atrymaje adkaz i vinšavańnie. Taksama Dzied Maroz zmoža padrychtavać šabłon, jaki skarocić čas adkazu z 10 da 2 chvilin.
