Na MKAD 1 studzienia aŭtamabil «Piežo» vyjechaŭ za miežy prajeznaj častki i ŭrezaŭsia ŭ aśviatlalnuju mačtu. Paciarpieli kiroŭca i jaje syn, paviedamili BiełTA va UDAI HUUS Minharvykankama.
Avaryja adbyłasia kala 14.15 na 46-m kiłamietry MKAD. Paciarpieły chłopčyk 2008 hoda naradžeńnia znachodziŭsia na zadnim siadzieńni i nie byŭ pryšpileny ramianiom biaśpieki.
«Žančyna i dzicia špitalizavanyja. Vyśvietliłasia, što ŭ dačynieńni da aŭto nie byŭ vydadzieny dazvoł na dopusk da ŭdziełu ŭ darožnym ruchu, a strachoŭka vyjaviłasia praterminavanaj. Pravodzicca pravierka», - prainfarmavali va UDAI.
U Dziaržaŭtainśpiekcyi nahadvajuć, što dzieci ŭ aŭtamabili - adna z najbolš uraźlivych katehoryj udzielnikaŭ ruchu. DAI zaklikaje nie zabyvać pra dziciačyja ŭtrymlivalnyja pryłady. «Kožnaje dzicia da 12 hadoŭ pavinna pieravozicca ŭ śpiecyjalnym kreśle, adpaviednym jaho rostu i vazie. Nievykanańnie praviłaŭ pryvodzić da adkaznaści ŭ vyhladzie papiaredžańnia abo štrafu ŭ pamiery da 4 bazavych vieličyń (adna BV roŭnaja Br25,5). Za paŭtornaje parušeńnie na praciahu hoda praduhledžany štraf ad 2 da 8 bazavych. Dapuskajecca pieravozka dziaciej da 12 hadoŭ biez utrymlivalnych pryład, kali rost dziciaci pieravyšaje 150 sm, a taksama ŭ aŭtamabili-taksi «, - adznačyli va UDAI. Akramia taho, kiroŭcam nieabchodna ŭličvać umovy nadvorja: vybirać biaśpiečnuju chutkaść, paźbiahać rezkich tarmažeńniaŭ, asabliva na zakruhleńniach daroh, pavialičvać dystancyju i bakavy intervał.
