Biełaruskija chłopcy daŭniej zamaŭlali dla svaich kachanych vykanańnie admysłovych pieśniaŭ. Dziaŭčyna musiła za heta adździačyć kavaleru. Ale čym?
Prahrama «Viaskoŭcy» telekanała «Biełsat» viesieła i bieskłapotna bavić kaladny čas. Hetym razam jana zavitała ŭ viosku Mačul na Stolinščynie, kudy źbirajucca na repietycyi z navakolnych sieliščaŭ udzielnicy hurta «Kalažanki».
Viadoŭca Viktar Šukiełovič daviedaŭsia ŭ Mačuli šmat čaho cikavaha: što takoje «karec», «paj» dy «razki»; jak kaladoŭščyki prosiać dazvołu zaśpiavać; što hatujuć na Kalady i jak varožać?
Raskazali Viktaru ŭ Mačuli i pra daŭni zvyčaj, kali chłopiec daručaŭ ščadroŭnikam zavitać da jaho kachanaj i vykanać joj pieśniu na zamovu. Nazaŭtra dziaŭčyna musiła adpravicca da chłopca i zapłacić jamu za heta harbuznymi siemačkami. Pry hetym maładyja mieli dadatkovuju nahodu, kab spatkacca i pahamanić.
Adna z udzielnic kalektyvu padzialiłasia taksama mistyčnym dośviedam. U padletkavym uzroście jana pačuła na Rastvo ŭ svajoj vioscy dzivosnyja śpievy. Dahetul jana ličyć, što, mahčyma, toje byli anioły, jakija kaladavali ŭ ichnym siale. Z toj pary jana źmianiła svajo staŭleńnie da kaladavańnia i pierastała hladzieć na jaho jak na sposab padzarabić.
Akramia hetaha, u vydańni šmat žartaŭ i kaladnych śpievaŭ, jakija stvorać adpaviednuju kaladnuju atmaśfieru.
Prahramu «Viaskoŭcy» hladzicie kožnuju sieradu a 18:35 na telekanale «Biełsat» praz spadarožnik «Astra 4A» (raniejšaja nazva «Sirius 4»), anłajn abo ŭ zakładcy «Prahramy» na staroncy telekanała. I sačycie za «Viaskoŭcami» ŭ Facebook.
