Uviečary paniadziełka prajšoŭ paŭfinał «Jeŭrafesta» – biełaruskaha adboru na muzyčny konkurs «Jeŭrabačańnia».Žury vyznačyła piaciorku ščaśliŭčykaŭ, jakija voźmuć udzieł u studzieńskim finale.
Na scenie ŭ studyi Biełteleradyjokampanii vystupili 15 kankursantaŭ (soła, duetam, hurtam dy inš.),
ź jakich prafiesijnaje žury – staršynia Anatol Jarmolenka (jon vystupaŭ pa-biełarusku), Jadviha Papłaŭskaja, Alaksandr Cichanovič, Vasil Rainčyk, Ina Afanaśjeva, kampazitar Leanid Šyryn, pieršy namieśnik ministra kultury Uładzimir Ryłatka dy inš. – vybrali piaciorku finalistaŭ.
Imi stali:
Piotr Jałfimaŭ (Eyes that never on), Litesound i Dakota (Carry on), Damienika (My day), Vietier v hołovie (Or or and), Gunesh (Fantastic girl),
Choć kvota ŭ piać ščaśliŭčykaŭ była zanadta. Letaś finalistaŭ było troje, sioleta taksama było b dastatkova.
Biełaruskaja pieśnia Dakoty (Ciabie adčuvaju) padałasia dosyć niaŭciamnaj z niezrazumiełym ruskamoŭnym repam adnaho z padtancoŭščykaŭ u kamuflažy (pryvitańnie bryhadzie 3214?).
Nie raŭnia anhłamoŭnaj pieśni, što Dakota vykanała razam z Litesound. A kab jaje jašče na biełaruskuju pierakłaści.
A lepšym z kankursantaŭ byŭ Piotra Jałfimaŭ. Ale heta tolki pryvatnaja dumka (nakont piesień Dakoty i Jałfimava).
Finał biełaruskaha konkursu projdzie ŭ studzieni. Tam biełaruskaha kandadata na konkurs «Jeŭrabačańnia» vybieruć hledačy.
Konkurs «Jeŭrabačańnia» projdzie ŭ traŭni 2009 h. u Maskvie.
Letaś Biełaruś pradstaŭlaŭ Rusłan Alachno, jaki staŭ adnym z aŭtsajderaŭ u adnym z paŭfinałaŭ.
P.S.
A najlepiej u hety viečar praśpiavali – i vyhladali – Alaksandra i Kanstancin (naturalna, pa-za konkursam) z remiksam na pieśniu «Moj Halilej», ź jakoj jany vystupili čatyry hady tamu na «Jeŭrabačańni».
Litesound i Dakota
Hiunieš. Paśla konkursu jana zajaviła, što dziela finału hatova pamianiać pieśniu na lepšuju.
Piotra Jałfimaŭ.
