Fota ź Vikipiedyi
Prezident hrupy Suśvietnaha banka Džym Jen Kim sychodzić u adstaŭku. Jon skončyć pracavać z 1 lutaha. Abaviazki kiraŭnika arhanizacyi budzie vykonvać vykanaŭčy dyrektar Krystalina Hieorhijeva.
Kim pryniaŭ rašeńnie ab adstaŭcy da zakančeńnia terminu svaich paŭnamoctvaŭ ŭ 2022 hodzie. Aficyjnaja pryčyna - žadańnie bankira viarnucca na pracu ŭ pryvatny siektar ekanomiki. «Kim abviaściŭ, što adrazu paśla adstaŭki dałučycca da [pryvatnaj] firmy i budzie pracavać nad pavyšeńniem infrastrukturnych inviestycyj u krainy, što raźvivajucca», - havorycca ŭ dakumiencie. Pra jakuju mienavita firmu idzie havorka, nie ŭdakładniajecca.
Džym Jen Kim ŭstupiŭ na pasadu 1 lipienia 2012 hoda, paśla zakančeńnia terminu paŭnamoctvaŭ byłoha kiraŭnika arhanizacyi Robierta Zielika. Praź piać hadoŭ Kima vyłučyli na novy termin.
