U hetyja vychadnyja žychar Słucka Michaił Bojka kupiŭ u kramie słucki chleb z aluminijevaj zaklopkaj. Na Słuckim chlebazavodzie «Kurjeru» skazali, što jany hatovyja pryjechać da słuččaka dadomu i abmianiać chleb.
Žychar Słucka raspavioŭ, što ŭbačyŭ zaklopku ŭ chlebie, kali dzicia paprasiła adrezać jamu skarynačku. Pradukt mužčyna prynios z saboj.
Na Słuckim chlebazavodzie «Kurjeru» skazali, što «znachodka» padobnaja na zaklopku formy dla vypiečki chleba.
«Z dapamohaj hetych zaklopak macujucca formy-trajniki. My ich pieryjadyčna abnaŭlajem na novyja, bolš tryvałyja. Mabyć, heta była staraja forma, jakaja vykarystoŭvałasia pierad Novym hodam, kali nie chapała novych. Takaja prablema jość. Chleb pakupniku mohuć abmianiać u luboj kramie. Abo kali pakiniecie jaho adras, my pryviaziem jamu ŭsio, što treba», — skazała Maryja Husak, načalnik vytvorča-technałahičnaj łabaratoryi Słuckaha chlebazavoda.
Maryja Husak taksama dadała, što hetyja zaklopki zastajucca tolki na pavierchni, unutr jany patrapić nie mahli.
Kamientary