U haładoŭnikaŭ u Salihorsku kala 5-j hadziny viečaru byŭ ź vizytam Alaksandar Milinkievič. Spadar Milinkievič zajaviŭ, što haładoŭka heta «adčajny krok» i što ŭdzielniki ŭžo šmat damahlisia na siońniašni dzień – u tym liku pryciahnuli ŭvahu suśvietnaj hramadzkaści da Biełarusi i prablemaŭ palityčnaha pieraśledu ŭ krainie.
Alaksandar Milinkievič zaklikaŭ niepaŭnahadovych prypynić haładoŭku, a darosłym udzielnikam akcyi kazaŭ pra nieabchodnaść zachoŭvać siły dla budučaj baraćby.
I voś ža niekalki chvilinaŭ tamu salihorskija haładoŭniki abmierkavali sytuacyju i pryniali pryncypovaje rašeńnie. Havoryć 15-hadovy lider haładoŭki Ivan Šyła:
(Ivan Šyła: ) «My pryniali hetaje rašeńnie. Bolšaść z nas zaŭtra skončyć haładoŭku pa roznych pryčynach, u tym liku z uvahi na stan zdaroŭja. Ale heta nia značyć, što my spyniajem baraćbu. My budziem padtrymvać haładoŭnikaŭ u inšych haradach i krainach».
