Z pačatku zimy ŭ RNPC nieŭrałohii i niejrachirurhii z traŭmami, atrymanymi pry katańni z horak na ciubinhach, źviarnulisia bolš za 100 dziaciej, paviedamlaje pres-słužba Ministerstva achovy zdaroŭja.
Špitalizavany 35 paciarpiełych, ź ich troje — ź ciažkimi traŭmami. Dvaich niepaŭnaletnich praapieravali. Adno dzicia pieraniesła dźvie apieracyi.
Pa słovach kiraŭnika RNPC, hałoŭnaha pazaštatnaha śpiecyjalista pa dziciačaj niejrachirurhii Ministerstva achovy zdaroŭja Michaiła Tałabajeva, kožny vychodny, śviatočny dzień u centr pryvoziać z traŭmami minimum 10—15 dziaciej.
Akramia taho, za minułyja školnyja kanikuły pa dapamohu ŭ RNPC traŭmatałohii i artapiedyi źviarnulisia bolš za 30 dziaciej z tak zvanymi ciubinhavymi traŭmami, 9 ź ich špitalizavany.
