U instahram-kanale novosti_novopolotsk.polotsk źjaviłasia videa z kamiery nazirańnia na budynku «Połack-Škłovałakno». Na zapisu vidać, jak lehkavy aŭtamabil zanosić i jon zajazdžaje ŭ natoŭp na prypynku hramadskaha transpartu.
Incydent adbyŭsia 15 studzienia. Na prypynak padjazdžaŭ aŭtobus, ludzi rychtavalisia da pasadki. Mnohija stajali śpinoj da aŭtamabila, jaki zanosiła prosta na ich. Inšyja paśpieli zaŭvažyć mašynu i adbiehčy. Aŭtamabil ujechaŭ u natoŭp, ludzi ŭpali.
Paśla hetaha kiroŭca lehkavoha aŭtamabila źjechaŭ za miežy bačnaści kamiery.
Na ščaście, u zdareńni nichto surjozna nie paciarpieŭ.
Kiroŭcu aŭtamabila zatrymali supracoŭnikami DAI pa miescy žycharstva, jon znachodziŭsia ŭ stanie ałkaholnaha apjanieńnia. Aŭtamabil pravaachoŭniki znajšli kinutym na vulicy za kiłamietr ad doma.
Na 31-hadovaha žychara Połacka skłali siem administracyjnych pratakołaŭ. Raniej jon užo byŭ pazbaŭleny pravoŭ za kiravańnie transpartnym srodkam u stanie ałkaholnaha apjanieńnia.
