Łukašenka pra kanflikt z «kazakom» u mietro: Były amapaviec suprać inšaha napaŭadmarožanaha biełarusa. Tam ruskimi i nie pachła
Alaksandr Łukašenka na sustrečy z nahody 100-hodździa biełaruskaj dypłamatyčnaj słužby vykazaŭsia nakont kanfliktu ŭ minskim mietro, paviedamlaje BiełTA.
U Minsku chłopiec vyhnaŭ «kazaka» z vahona mietro, kanflikt trapiŭ na VIDEA
«Vy viedajecie ŭ internecie hety vypadak, kali niechta ŭ mietro zładziŭ kanflikt ź niejkim čałaviekam, i ŭsio heta chucieńka było padniesiena (jak byccam z Rasii zamovili) jak toje, što ŭ nas ździajśniajucca napadki na ruskich ludziej. Kali ja pračytaŭ heta, nieadkładna daručyŭ razabracca. Ja razumieju, što ŭsiakija mohuć być vypadki. Akazvajecca, tam ruskimi, jak jany kažuć, i nie pachła.
Heta kanflikt dvuch biełarusaŭ. Inakš nie skažaš. Prytym jon chutka byŭ źniaty na videa (ciapier heta prosta robicca) i ŭkinuty ŭ internet. I jany (rasijskija ŚMI) za heta ŭchapilisia. Akazvajecca, adzin biełarus, jaki kaliści byŭ asudžany (supracoŭnik AMAPa, za chabar byŭ pasadžany, vyjšaŭ z turmy). Druhi byŭ taksama biełarus napaŭadmarožany. I zaviazałasia bojka. Pryčym tut ruskija?!»
— raspavioŭ padrabiaznaści Alaksandr Łukašenka.
«Ja heta kažu da taho, kab vy razumieli maju pazicyju: nas nie atrymajecca sapchnuć — biełarusaŭ z rasijanami. Nie tolki z ruskimi. Naohuł z rasiejcami. Heta nie toj šlach, kab niejak atrymać u Rasii kamuści ad hetaha dyvidendy. Nie atrymajecca. Ja ŭžo hruba kazaŭ kaliści: my sami ruskija, nas niemahčyma sutyknuć adzin z adnym, biełarus — heta ruski sa znakam jakaści. Na hetaj temie pahulać - heta vielmi niebiaśpiečna», — padkreśliŭ kiraŭnik dziaržavy.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary