U Minsku chłopiec vyhnaŭ «kazaka» z vahona mietro, kanflikt trapiŭ na VIDEA
U vahonie minskaha mietro dniami adbyŭsia kanflikt pamiž pasažyrami. U Redakcyju «Našaj Nivy» dasłali videa incydentu.
Udzielnik sprečki (jaki zdymaŭ videa) supravadziŭ jaho svaim tłumačeńniem.
Jon raspavieŭ, što sustreŭ prarasijskaha aktyvista, tak zvanaha «kazaka», na pieronie stancyi mietro «Kupałaŭskaja» i pačaŭ zdymać jaho na videa. Toj, maŭlaŭ, byŭ napadpitku i staŭ abražać apieratara.
Kanflikt praciahnuŭsia ŭ vahonie. Tut aŭtar videa skinuŭ z apanienta šapku.
Urešcie «kazak» byŭ vymušany vyjści z vahona.
«Ja ničoha nie maju suprać kazakoŭ, kali jany žyvuć na Kubani, naprykład. Ale tut jany pahražajuć biełaruskaj niezaležnaści, — tłumačyć svaju matyvacyju aŭtar videa. — My ź siabrami nie pieršy raz stavim takich ludziej na miesca».
Ź videa ciažka zrazumieć, što stała pieršapryčynaj kanfliktu i chto pieršy staŭ pavodzić siabie niekarektna.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary