Taryfy na aciapleńnie i haračaje vodazabieśpiačeńnie vyrastuć na 15,6%. Praduhledžvajucca taksama taryfy na elektraenierhiju dla nasielnictva, dyfierencyravanyja pa časavych pieryjadach.
Novyja taryfy na pasłuhi ŽKH ustanoŭleny ŭ Biełarusi z 1 studzienia 2009 hoda. Taryf na pasłuhi pa techničnamu absłuhoŭvańniu žyłych damoŭ ustanoŭleny ŭ pamiery Br296 u miesiac za 1 kv.m ahulnaj płoščy žyłoha pamiaškańnia, što na 11,8% pierasiahaje pamier dziejučaha taryfu. Novyja ceny i taryfy na ciepłavuju enierhiju dla patreb aciapleńnia i haračaha vodazabieśpiačeńnia składuć Br43 458,3 za 1 Hkał (na 15,6% bolš). Taryfy na chałodnaje vodazabieśpiačeńnie i na kanalizacyju pavialičacca na 20% i składuć Br385,7 za 1 kub.m i Br242 za 1 kub.m adpaviedna. Taryf za vyvaz i abiasškodžvańnie ćviordych bytavych adchodaŭ uzraście na 18,9% da Br4764 za 1 kub.m, za karystańnie liftami -- na 20% da Br1421 z adnaho žychara ŭ miesiac.
Taryfy na elektryčnuju enierhiju dla nasielnictva z 1 studzienia 2009 h. ustalavanyja ŭ pamiery Br173,3 za 1 kVt.h. Dakumientam vyznačany taksama taryfy na elektraenierhiju dla nasielnictva, dyfierencyravanyja pa časavych pieryjadach. Tak, pry ažyćciaŭleńni dyfierencyravanaha ŭliku košt elektryčnaj enierhii ŭ pieryjad minimalnych nahruzak (z 22.00 da 17.00) składaje Br121,1, maksimalnych (z 17.00 da 22.00) -- Br346 za 1 kVt.h. Taryfy na elektraenierhiju ŭ žyłych damach (kvaterach), abstalavanych elektraplitami, składuć Br125,3 za 1 kVt.h. (Br87,7 -- u pieryjad minimalnych i Br250,6 u pieryjad maksimalnych nahruzak).
Košt elektraenierhii dla patreb aciapleńnia i haračaha vodazabieśpiačeńnia z dałučanaj mahutnaściu abstalavańnia bolš za 5 kVt u pieryjad minimalnych nahruzak (z 23.00 da 6.00) ustanoŭleny na ŭzroŭni Br173, u astatni čas sutak -- Br865. Taksama zaćvierdžany ceny dla nasielnictva na pryrodny i zvadkavany haz.
Taryfy na pasłuhi chałodnaha vodazabieśpiačeńnia i kanalizacyi z 1 studzienia 2009 h. ustalavany ŭ pamiery Br860 i Br684,3 za 1 kub. m adpaviedna za abjomy, spažytyja hramadzianami, jakija pražyvajuć u prynaležnych im na pravie ŭłasnaści indyvidualnych žyłych damach (katedžach), zvyš norm, zaćvierdžanych miascovymi vykanaŭčymi i rasparadčymi orhanami.
U adpaviednaści z pastanovaj, najmalniki, ułaśniki žyłych pamiaškańniaŭ, členy arhanizacyj hramadzian-zabudoŭščykaŭ, žyłyja damy jakich asnaščany šmattaryfnymi elektronnymi pryborami ŭliku elektryčnaj enierhii i aŭtamatyzavanymi sistemami kantrolu i ŭliku elektryčnaj enierhii, pravodziać apłatu spažytaj elektraenierhii na vybar — zychodziačy z defierencyjavanych pa časavych pieryjadach taryfaŭ.
Dla raźlikaŭ za elektryčnuju enierhiju pa dyfierencyravanych taryfach u vychadnyja i śviatočnyja dni prymianiajucca taryfy, ustanoŭlenyja na pieryjad minimalnych nahruzak.
Nahadajem, u hetym hodzie taryfy na apłatu žyllova-kamunalnych pasłuh pavialičvalisia dvojčy — z 1 studzienia i z 1 traŭnia. U sumie taryfy na ŽKP za studzień-žnivień 2008 hoda byli pavyšany na $9,1 u ekvivalencie zychodziačy z raźliku płaty za dvuchpakajovuju kvateru.
