Apieratyŭniki Minskaj vobłaści zatrymali dylera z šaściu vidami narkotykaŭ. Pry pieratrusie jaho asabistych rečaŭ i zdymnaj kvatery znojdzieny i kanfiskavany asabliva niebiaśpiečnyja psichatropy, kakain, kietamin, «marki» z ŁSD, tabletki z MDMA. Košt zabaronienych rečyvaŭ na čornym rynku pieravyšaje $ 50 tys, paviedamlaje UUS Minabłvykankama.
Kanfiskavana bolš za 230 h asabliva niebiaśpiečnaha psichatropnaha rečyva paramietyłefiedronu, 250 h psichatropu MDMA, kala 65 h kakainu, prykładna 120 h kietaminu, 650 tak zvanych marak, u jakich źmiaščajecca ŁSD, 600 psichatropnych tabletak z utrymańniem MDMA. «Apieracyja pa zatrymańni prachodziła ŭ Kastryčnickim rajonie Minska. U stalicu fihurant prybyŭ z padroblenym pašpartam. U zdymnaj kvatery realizatar chavaŭsia z partyjaj narkotyku», - raspaviali va UUS Minabłvykankama.
Narkadyler, 28-hadovy rasijanin, znachodziŭsia ŭ miždziaržaŭnym vyšuku. Jaho kryminalny šlach pačaŭsia zadoŭha da prybyćcia ŭ Minsk. Ustanoŭlena, što žyvučy ŭ Rasii, mužčyna zacikaviŭsia raspaŭsiudam narkotykaŭ. Nieŭzabavie jon trapiŭ u pole zroku supracoŭnikaŭ palicyi i pierabraŭsia ŭ biełaruskuju stalicu z padroblenymi dakumientami. «Prybyŭšy ŭ Minsk, dyler nie źbiraŭsia zastavacca ŭ cieni. Asvoiŭšysia, pačaŭ realizoŭvać durman. Handlar imknuŭsia naładzić zbyt niekalkich vidaŭ narkotyku jak na terytoryi Minska, tak i Minskaha rajona, - raspavioŭ načalnik UNiSHŁ UUS Minskaha abłvykankama Aleh Silviestrovič. - Praź miesiendžary rasijanin śpisvaŭsia z pastaŭščykom narkotyku i, atrymlivajučy kaardynaty schovanak, zabiraŭ tavar. Pieradavaŭ durman spažyŭcam šlacham zakładak. Asabistaha kantaktu jak z pastaŭščykami, tak i z patencyjalnymi pakupnikami zusim nie było».
U dačynieńni da zatrymanaha zaviedziena kryminalnaja sprava pa č.3 art.328 KK (niezakonny abarot narkatyčnych srodkaŭ, psichatropnych rečyvaŭ i prekursoraŭ). Pravodzicca rasśledavańnie.
