Viečaram 27 kastryčnika 2018 hoda ŭ Viciebsku 16-hadovy junak udaryŭ nažom 35-hadovaha mužčynu, jaki paźniej skanaŭ u balnicy, paviedamlaje Śledčy kamitet.
Junaku pieršapačatkova pradjavili abvinavačvańnie pa č. 1 art. 139 KK (zabojstva). Adnak u chodzie śledstva ŭ jaho dziejańniach znajšli pieravyšeńnie miežaŭ nieabchodnaj abarony.
U hetaj suviazi maładomu čałavieku pradjavili kančatkovaje abvinavačańnie pa artykule «zabojstva pry pieravyšeńni miežaŭ nieabchodnaj abarony».
Niepaŭnaletniaha addali pad nahlad. Junak raniej nie sudzimy, da administracyjnaj adkaznaści nie pryciahvaŭsia, pa miescy vučoby i žycharstva jaho charaktaryzavali stanoŭča.
Jon ščyra raskajaŭsia, a złačynstva ździejśniŭ pad upłyvam supraćpraŭnych dziejańniaŭ pamierłaha 35-hadovaha mužčyny.
