Nacyjanalny bank Biełarusi raspracoŭvaje stratehiju pa pavyšeńni davieru da nacyjanalnaj valuty. Pra heta paviedamiŭ siońnia žurnalistam staršynia praŭleńnia Nacbanka Pavieł Kałaŭr, pieradaje BiełTA.
Pa słovach kiraŭnika praŭleńnia Nacbanka, naśpieła nieabchodnaść, kab u Biełarusi była pryniataja adpaviednaja stratehija.
«My znachodzimsia ciapier u dyskusii i z uradam, i z hramadskaściu, — adznačyŭ Pavieł Kałaŭr. — My pavinny dać joj pravilny sihnał ab tym, što my budziem rabić, u jakoj paśladoŭnaści, jakich vynikaŭ čakajem».
Pavyšeńnie davieru da nacyjanalnaj valuty spałučana z asnoŭnymi metami, jakija ŭžo siońnia realizujuć Nacyjanalny bank i ŭrad.
«U abaviazkovym paradku pavinna być adkaznaść Nacyjanalnaha banka pa zabieśpiačeńni finansavaj stabilnaści», — padkreśliŭ Pavieł Kałaŭr. Što ž tyčycca ŭrada, to jon pavinien pravodzić zbałansavanuju ŭlikova-finansavuju palityku.
